ဂျပန်နိုင်ငံ တရားရေးဝန်ကြီးဌာနမှ ဒုတိယဝန်ကြီးအား လက်ခံတွေ့ဆုံခြင်း

နေပြည်တော်၊ ၂၀၁၄ခုနှစ် ဧပြီလ ၃၀ရက်
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌ ဦးမြသိန်းအား ဂျပန်နိုင်ငံ တရားရေး ဒုတိယဝန်ကြီး H.E. Mr. Shinsuke OKUNO ခေါင်းဆောင်သော ဂျပန်ကိုယ်စားလှယ်အဖွဲ့သည် ၃၀-၄-၂၀၁၄ ရက်နေ့ နံနက် ၁၀:၃၀ နာရီတွင် နေပြည်တော်ရှိ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး အစည်းအဝေးခန်းမသို့ လာရောက်တွေ့ဆုံသည်။
ထိုသို့တွေ့ဆုံရာတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ လုပ်ငန်းတာဝန်များ၊ ဖွဲ့စည်းပုံအခြေခံဥပဒေကိစ္စရပ်များ၊ နှစ်နိုင်ငံဆက်ဆံရေးကိစ္စရပ်များ၊ တရားဥပဒေရေးရာ ပူးပေါင်း ဆောင်ရွက်နိုင်ရေးကိစ္စရပ်များကို အမြင်ချင်းဖလှယ်ဆွေးနွေးကြသည်။
အဆိုပါတွေ့ဆုံပွဲသို့ ခုံရုံးအဖွဲ့ဝင်များဖြစ်ကြသော ဒေါ်လှမျိုးနွယ်၊ ဦးမြသိန်း၊ ဦးမျိုးချစ်နှင့် ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ တက်ရောက်ခဲ့ကြသည်။