နေပြည်တော်၊ ၂၀၂၀ပြည့်နှစ်၊ စက်တင်ဘာလ ၂၃

  ကိုရီးယားသမ္မတနိုင်ငံ၊ ဆိုးလ်မြို့တွင် ၂၀၂၀ပြည့်နှစ်၊ စက်တင်ဘာလ ၂၃ ရက်နေ့မှ ၂၅ ရက်နေ့အထိ “Freedom of Experssion Experience of AACC Member” (AACC အဖွဲ့ဝင် နိုင်ငံများ၏ အတွေ့အကြုံများ) ခေါင်းစဉ်ဖြင့် ကျင်းပပြုလုပ်သော (၂) ကြိမ်မြောက် သုတေသန ညီလာခံသို့ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးမှ Video Conferencing စနစ်ဖြင့် ပါဝင် တက်ရောက်ခဲ့သည်။

  ဆွေးနွေးပွဲသို့ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၊ တရားစီရင်ရေးဌာနခွဲမှ ဒုတိယ ညွှန်ကြားရေးမှူး၊ ဒေါက်တာကြည်ကြည်ခင်နှင့် လုပ်ထုံးဌာနခွဲမှ ဒုတိယညွှန်ကြားရေးမှူး၊ ဒေါက်တာချိုမာဌေး တို့ တက်ရောက်ခဲ့ကြပြီး မြန်မာနိုင်ငံအပါအဝင် နိုင်ငံပေါင်း(၁၈)နိုင်ငံမှ ကိုယ်စားလှယ်များ တက်ရောက် ခဲ့ကြသည်။

  ဆွေးနွေးပွဲတွင် မြန်မာနိုင်ငံကိုယ်စားလှယ်အဖွဲ့က ဒုတိယညွှန်ကြားရေးမှူး ၊ ဒေါက်တာ ကြည်ကြည်ခင်က “Legal Provisions of the Freedom of Expression on the Internet in Myanmar” ခေါင်းစဉ်ဖြင့် လည်းကောင်း၊ ဒုတိယညွှန်ကြားရေးမှူး၊ ဒေါက်တာ ချိုမာဌေးက “The Scope of Freedom of Expression: The Context of Myanmar” ခေါင်းစဉ်ဖြင့် လည်းကောင်း အသီးသီး စာတမ်းဖတ်ကြား ဆွေးနွေးခဲ့ကြသည်။