နေပြည်တော် ၂၀၂၂ ဇွန် ၂၄

   နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ၂၀၂၂-၂၀၂၃ ပညာသင်နှစ် အတွက် ဝန်ထမ်း များ၏ သားသမီးများအား ပညာသင်စရိတ်ထောက်ပံ့ကြေး ပေးအပ်ပွဲအခမ်းအနားကို ယနေ့ နံနက် (၉:၀၀) နာရီတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးရှိ၊ ရုံးခန်းအမှတ်(၂)၌ ကျင်းပ ပြုလုပ်ခဲ့ရာ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌ ဦးသာဋ္ဌေး တက်ရောက်၍ အဖွင့် အမှာစကားပြောကြားခဲ့ပါသည်။

   ထို့နောက် ဥက္ကဋ္ဌ က ၂၀၂၁-၂၀၂၂ ပညာသင်နှစ်တွင် တက္ကသိုလ်ဝင်စာမေးပွဲ၌ ဂုဏ်ထူးဖြင့် အောင်မြင်ခဲ့သော ဝန်ထမ်းသားသမီး ကျောင်းသား၊ ကျောင်းသူများအား ဂုဏ်ထူးရ တစ်ဘာသာ လျှင် တစ်သိန်းနှုန်းဖြင့် ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ပါသည်။

   ဆက်လက်၍ အဖွဲ့ဝင်ဒေါ်နန်းစန္ဒာစမ်း က မူလတန်း၊ အလယ်တန်း၊ အထက်တန်းနှင့် တက္ကသိုလ်များတွင် ပညာဆက်လက်သင်ယူမည့် ကျောင်းသား၊ ကျောင်းသူ စုစုပေါင်း ၄၆ ဦး အတွက် ပညာသင်ထောက်ပံ့ကြေးငွေစုစုပေါင်းကျပ်တစ်ဆယ်သုံးသိန်းကို ပေးအပ်ခဲ့ရာ ကျောင်းသားမိဘများကိုယ်စား ညွှန်ကြားရေးမှူး ဦးကျော်ဇေယျမှ လက်ခံရယူခဲ့ပါသည်။ ၎င်းနောက်ကျောင်းသားမိဘများကိုယ်စား ကျောင်းသားမိဘတစ်ဦးဖြစ်သည့် ဒုတိယညွှန်ကြားရေးမှူး ဦးအောင်စည်သူက ကျေးဇူးတင်စကားပြောကြားခဲ့ပါသည်။

   အဆိုပါ အခမ်းအနားသို့ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌ နှင့် အဖွဲ့ဝင်များ၊ အမြဲတမ်းအတွင်းဝန်၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ် နှင့် အရာထမ်းများ၊ ကျောင်းသားမိဘများနှင့်‌ ကျောင်းသား၊ ကျောင်းသူများ တက်ရောက်ခဲ့ကြပါသည်။