နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဆုံးဖြတ်ချက်ချမှတ်

နေပြည်တော်၊၂၀၁၇ခုနှစ်၊ ဇန်နဝါရီလ ၁၉
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌနှင့် အဖွဲ့ဝင်များအားလုံးပါဝင်သော စုံညီခုံရုံးသည် အမျိုးသားလွှတ်တော် ဥက္ကဋ္ဌမှတစ်ဆင့် အမျိုးသားလွှတ်တော်ကိုယ်စားလှယ် ဦးစိုင်းသန်းနိုင်ပါ (၂၃) ဦး တင်သွင်းလာသည့် တင်သွင်းလွှာအမှတ် ၁/၂၀၁၆ ကို ၂၀၁၇ ခုနှစ်၊ ဇန်နဝါရီလ ၁၉ ရက်၊ နံနက် ၁၀ နာရီတွင် ရုံးခန်းအမှတ်-၁ ၌ ဆုံးဖြတ်ချက်ချမှတ်သည်။
ယင်းဆုံးဖြတ်ချက်တွင် အမျိုးသားလွှတ်တော်ကိုယ်စားလှယ် ဦးစိုင်းသန်းနိုင်ပါ (၂၃) ဦး၏ တင်သွင်းလွှာသည် ဖွဲ့စည်းပုံ အခြေခံဥပဒေပုဒ်မ ၃၂၂ ပုဒ်မခွဲ (က)ပါ ပြဋ္ဌာန်းချက်နှင့် ညီညွတ်ခြင်း မရှိသဖြင့် တင်သွင်းလွှာကို ပလပ်လိုက်သည်။