နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌထံ International IDEA Myanmar မှ ကိုယ်စားလှယ်အဖွဲ့ လာရောက်တွေ့ဆုံ
နေပြည်တော်၊ ၂၀၂၀ ခုနှစ်၊ ဇူလိုင်လ ၆ ရက်
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌ ဦးမျိုးညွန့်သည် International IDEA Myanmar မှအကြီးအကဲ Mr. Mark McDowell ခေါင်းဆောင်သောကိုယ်စားလှယ်အဖွဲ့ကို ၆-၇-၂၀၂၀ ရက်နေ့ နံနက် (၁၀:၃၀) နာရီအချိန်တွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးတွင် လက်ခံတွေ့ဆုံခဲ့ပါသည်။
ထိုသို့လက်ခံတွေ့ဆုံရာတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးနှင့် Inter- national IDEA Myanmar တို့အကြား ဆက်လက်ပူးပေါင်းဆောင်ရွက်မည့်ကိစ္စရပ်များ၊ ခုံရုံး သုတေသနဝန်ထမ်းများ၏ အရည်အသွေးမြှင့်တင်ရေးဆိုင်ရာကိစ္စရပ်များ၊ အီလက်ထရောနစ် နည်းပညာအသုံးပြု၍ Online မှတစ်ဆင့် ဆွေးနွေးပွဲများပြုလုပ်နိုင်ရေးကိစ္စ၊ အီလက်ထရောနစ် တရားခွင်စနစ် အဆင့်မြှင့်တင်နိုင်ရေးကိစ္စ၊ နားလည်မှုစာချွန်လွှာ လက်မှတ်ရေးထိုးနိုင်ရေးကိစ္စ၊ သုတေသန လုပ်ငန်းများဆောင်ရွက်ရာတွင် အထောက်အကူပြုနိုင်ရေးကိစ္စတို့နှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြပါသည်။
အဆိုပါတွေ့ဆုံပွဲသို့ ခုံရုံးအဖွဲ့ဝင်များဖြစ်ကြသည့် ဦးတင်မောင်မြင့်နှင့် ဦးကျော်ဆန်း၊ အမြဲတမ်းအတွင်းဝန်၊ ဒုတိယအမြဲတမ်းအတွင်းဝန်နှင့် ဒုတိယညွှန်ကြားရေးမှူးချုပ်တို့ တက်ရောက် ကြပါသည်။